കേരളത്തില് തരം കിട്ടുമ്പോഴൊക്കെ അഭിപ്രായ സ്വാതന്ത്രത്തിന്റെ അപോസ്തലന്മാരായി മുന്നോട്ടു വരാറുള്ളത് മാക്സിസ്ടുകളും അതിന്റെ സാംസ്കാരിക വിഭാഗമായ പു ക സ യുമാണ്.ആവിഷ്കാര സ്വാതന്ത്രം ഹനിക്കുന്നത് ഏതെങ്കിലും മത വിഭാഗമാണെങ്കില് ഉടനെ പ്രസ്താവനയുമായി രംഗം കയ്യടക്കുന്നത് യുക്തി വാദി സംഘം ആയിരിക്കും.മാര്ക്സിസ്റ്റു പാര്ട്ടിയില് നിന്ന് പുറത്തു പോയി പാര്ട്ടിക്കെതിരെ പ്രവര്ത്തിച്ചതിന്റെ പേരില് കൊല്ലപ്പെട്ട ടി പി ചന്ദ്രശേഖരന് വേണ്ടി പു ക സയും യുക്തി വാദികളും ഒരു പ്രസ്താവന പോലും ഇറക്കിയതായി കണ്ടില്ല.സഖാവ് പിണറായി വിജയന് കുപ്രസിദ്ധമായ "കുലംകുത്തി"പ്രയോഗത്തിലൂടെ ചന്ദ്രശേഖരന് തരിമ്പും കാരുണ്യം അര്ഹിക്കുന്നില്ല എന്ന് മറയില്ലാതെ തന്നെ വ്യക്തമാക്കിയിട്ടുണ്ട്.കാരണം അയാള് വര്ഗവഞ്ചകനാണ്.മാര്ക്സിസ്റ്റു പാര്ട്ടി ഉപേക്ഷിച്ചു കളം മാറിയവന്.
വാസ്തവത്തില് ചന്ദ്രശേഖരന് വലതുപക്ഷം ചേര്ന്നിരുന്നില്ല.മാര്ക്സി
ചന്ദ്രശേഖരന് മുമ്പ് പ്രമുഖരായ പലരും പാര്ട്ടി വിട്ടിട്ടുണ്ട്.കോണ്ഗ്രസ്സിലും മുസ്ലിം ലീഗിലും എന്തിനേറെ ബി ജെ പിയിലും ചേര്ന്ന മാര്ക്സിസ്റ്റുകള് വരെ ഉണ്ട്.അതില് പലരും ഇന്നും ആ പാര്ട്ടികളുടെ തലപ്പത്തിരിക്കുന്നു.അവരൊന്നും പാര്ട്ടി വിട്ടതിന്റെ പേരില് നല്കേണ്ടി വന്നിട്ടില്ലാത്ത വില ചന്ദ്രശേഖരന് നല്കേണ്ടി വന്നത് എന്ത് കൊണ്ടാണ്? പാര്ട്ടിയുടെ ഔദ്യോഗിക നേതൃത്വത്തിനെതിരെ ശബ്ദിച്ചത് കൊണ്ടു.പാര്ട്ടി സെക്രട്ടിക്കെതിരില് വിമര്ശനം ഉന്നയിച്ചത് കൊണ്ടു.അതിനാല് ചന്ദ്രശേഖരന് മാപ്പര്ഹിക്കുന്നില്ല!ഒരു പ്രസ്ഥാനം വിട്ടു പോയി അതിനെതിരെ പ്രവര്ത്തിക്കുന്ന "കുലംകുത്തി'', അഭിപ്രായ സ്വാതന്ത്ര്യത്തിന്റെ ആനുകൂല്യം അര്ഹിക്കുന്നില്ലെന്ന പിണറായി സിദ്ധാന്തം ശരി വെച്ചത് കൊണ്ടോ,പാര്ട്ടിക്കെതിരെ തിരിഞ്ഞു മറ്റൊരു കുലംകുത്തി ആകാനുള്ള ധൈര്യം ഇല്ലാത്തത് കൊണ്ടോ ആകണം പു ക സ നേതാക്കള് മൌനത്തിന്റെ വാല്മീകത്തില് അഭയം പ്രാപിച്ചത്.അടുത്ത ഇടതു സര്ക്കാര് വരുമ്പോള് ലഭിക്കാനിടയുള്ള സ്ഥാനമാനങ്ങള് കളഞ്ഞു കുളിക്കാന് മാത്രം അവര് വിഡ്ഢികള് അല്ലല്ലോ! അതിനാല് അവരോടു നമുക്ക് സഹതപിക്കാം.എന്നാല് യുക്തിവാദികള് അങ്ങനെ അല്ലല്ലോ.
ഒരു ഭൌതികവാദ രാഷ്ട്രീയ പ്രസ്ഥാനം റിബലുകളെ കൈകാര്യം ചെയ്യുന്ന വിധമാണ് നാം ചന്ദ്രശേഖരന്റെ കൊലയിലൂടെ വായിചെടുക്കുന്നത്.ഇതേ രീതി ഏതെങ്കിലും ഒരു മതത്തില് പ്രയോഗിക്കപ്പെട്ടാല് എന്തായിരിക്കും അവസ്ഥ എന്ന് വെറുതെ ഭാവിച്ചു നോക്കൂ.അപ്പോള് ചര്ച്ചയുടെ സ്വഭാവം ഇങ്ങനെ ആയിരിക്കില്ല.ഉദാഹരണത്തിന്,എക്
ഇതൊക്കെ സാങ്കല്പ്പികം മാത്രമാണെന്ന് ലളിതവല്ക്കരിക്കാന് വരട്ടെ.കേരളത്തില് യുക്തിവാദ പ്രസ്ഥാനത്തിന്റെ പ്രതാപകാലത്ത് ഇസ്ലാമിനെതിരെ ഉന്നയിച്ചിരുന്ന പ്രധാന വിമര്ശങ്ങളിലൊന്നു,അത് മതപരിത്യാഗികള്ക്കെതിരെ കടുത്ത നിലപാടെടുക്കുന്നു എന്നതായിരുന്നു.ഇസ്ലാം ഉപേക്ഷിച്ചു നിരീശ്വര പ്രസ്ഥാനങ്ങളില് ചേര്ന്ന് ഇത്തരം വിമര്ശനങ്ങള് ഉന്നയിച്ചവര് പോലും അതിന്റെ പേരില് കൊല്ലപ്പെട്ടിട്ടില്ലെന്നത് മറ്റൊരു കാര്യം.വിമര്ശകരോട് ആരോഗ്യകരമായി സംവദിക്കുകയാണ് മത നേതൃത്വം ചെയ്തത്.എന്നിട്ടും മതത്തെ പ്രാകൃതമെന്നും മനുഷ്യാവകാശ വിരുദ്ധമെന്നും മാര്ക്സിസ്റ്റുകളും നിരീശ്വര വാദികളും മുദ്ര കുത്തി.ഇപ്പോള് മാര്ക്സിസ്റ്റു മതത്തിന്റെ അടിസ്ഥാന വിശ്വാസ പ്രമാണങ്ങള് കൈവിടാതെ,മേലധ്യക്ഷന്മാരെ വിമര്ശിച്ചത്തിന്റെ മാത്രം പേരില് ഒരാള് കൊലശിക്ഷയ്ക്ക് ഇരയാക്കപ്പെട്ടിട്ടും നമ്മുടെ യുക്തിവാദികള് വായ തുറക്കാത്തതെന്തു? മാര്ക്സിന്റെയും ലെനിന്റെയും കൃതികളും സ്ടാലിന്റെ "ഇന്ക്വസിഷന്"ചരിത്രവും തുറന്നു വെച്ച് ഈ ശിക്ഷാവിധിയുടെ പ്രത്യയശാസ്ത്രം അനാവരണം ചെയ്യാത്തത് എന്ത് കൊണ്ടു? ഈ ഇരട്ടത്താപ്പ് തുറന്നു കാട്ടാന് പക്ഷെ,കേരളത്തില് ആളില്ലല്ലോ!!
-മുജീബ്റഹ്മാന് കിനാലൂര്
